Ke Aukukui
ʻAha Nuʻukia 2024:
Kāpahi Ka Moana I Kai
E kālele ma ka ho‘oikaika ‘ōlelo Hawai‘i i ulu ka Hawai‘i o ka ʻōlelo.
He leo heahea kēia i nā limahana kaia‘ōlelo Hawai‘i e komo pū mai i ka ‘aha mauli ola Hawai‘i kūmakahiki, ‘o ia ka ‘Aha Nu‘ukia 2024 me ko ka ‘Aha Pūnana Leo.
He ʻaha kēia e noho paʻa pū ai nā kānaka komo ma kahi hoʻokahi mai kinohi a i ka pau ʻana i luʻu hoʻi nā kānaka ma ke kaiaʻōlelo Hawaiʻi.
Lā: 8-11 Iulai 2024
Po‘akahi: 10:45a - 9:30p
Po‘alua: 6:30a - 9:00p
Po‘akolu: 6:30a - 9:00p
Po‘ahā: 7:15a - 11:00a
Kahi: Hale‘ōlelo
ma Ka Haka ‘Ula o Ke‘elikōlani ma Hilo
Kāki: $3,000.00
Helu pū ‘ia kahi e noho ai, ke ka‘a‘ōhua mai ke kahua mokulele i kahi hālāwai a ho‘i a me ka mea‘ai.
He 10 kānaka e ʻae ʻia ana.
Lā Hope Noi Komo:
Lā 8 o Mei 2024, he Poʻakolu
Lā Hope Uku Kāki:
Lā 5 Iune 2024, he Poʻakolu
E hōʻike ʻia ana ka ʻāpono a ʻāpono ʻole paha i ka ʻaha ma loko nō o ka 5 lā ma hope o ka lā palena pau, ʻo ia hoʻi ka lā hope noi komo.
Ka Papa Manawa
Poʻakahi:
10:20a Ha‘alele ke ka‘a ‘ōhua i ke kahua mokulele o Hilo
Wehena Papahana
Ha‘i‘ōlelo: Ke Kūlana o ke Ao Ho‘ona‘auao Hawai‘i
Kāpahi ka Moana i Kai: Ka Mo‘olelo o ‘Iwa
Ka Ho‘oulu ‘Ōlelo Hawai‘i
Ka Heluhelu ‘Ike Hawai‘i
Nā Mele / Ho‘okani Pila
8:00p Ka Hui Pū‘ulu ‘Ana
Poʻalua
6:30a ‘Ohana Kakahiaka
Ka ‘Imi ‘Ana i ka ‘Ike
Ka Ho‘ohana ‘Ana i ka ‘Ike
Ka ‘ōlelo ma ka Lumi Papa
Ka Hakalama
Nā Mele / Ho‘okani Pila
8:00p Ka Hui Pū‘ulu ‘Ana
Poʻakolu:
6:30a ‘Ohana Kakahiaka
Ka ‘Ōlelo Hawai‘i me nā Keiki
Ka ‘Ōlelo Hawai‘i me nā ‘Ohana
Hō‘ike‘ike Papahana
8:00p Ka Panina Ahiahi
Poʻahā:
7:15a ‘Ohana Kakahiaka
Ka Panina
Kāpahi ka Moana i Kai
11:00a Ha‘alele ke ka‘a‘ōhua i ka honua
E leka uila mai nō inā he nīnau kāu ma aukukui@ahapunanaleo.org
Aukukui Niuolahiki
Ma ka makahiki 2009, Ua hoʻokumu ʻia kekahi papahana hikiaaʻo i ala aʻo ʻōlelo Hawaiʻi mai nā ʻano wahi like ʻole ma ka manawa o ko lākou makemake. He papahana hikaaʻo ʻo Niuolahiki kahi e hiki ai i nā haumāna ke aʻo i ka ʻōlelo Hawaiʻi me ka wikiwiki a mālie paha a ma ka papa manawa i kūpono no lākou. Ma ka hoʻopau ʻana i nā pukana 25, he like ia me ka makahiki mua o nā papa ʻōlelo Hawaiʻi o ka pae kulanui. Ua kūkulu ʻia nā haʻawina ma ka puke “Nā Kai ʻEwalu” na Dr. Kauanoe Kamanā me Dr. William H. “Pila” Wilson. He mau haʻawina hoʻomaʻamaʻa pilinaʻōlelo, kūkaʻipā a me nā wehewehe no ke kuanaʻike Hawaiʻi ia papahana.
Ke Aukukui
Ua hoʻokumu ʻia ka Māhele Aukukui ma ka hana pakanā ʻana me Ka Haka ʻUla o Keʻelikōlani. Ma hope o ka mālama ʻia ʻana o ke aʻoaʻo hana, ua hoʻomohala ʻia ke aʻoaʻo ma o ke keleaʻo no nā kumu ma ka pae ʻāina o Hawaiʻi no ka loaʻa ʻana o ka palapala hōʻoia no nā kumu kula kamaliʻi kaiaʻōlelo Hawaiʻi e kō ai nā koina ʻimi naʻauao.
He $100,000 a ʻoi kālā a me ka 100 hola o ka makahiki e hoʻopaʻa ʻia no ke aʻoaʻo limahana mai ka makahiki 2015.
Helu ʻia ʻo Aukukui he papahana hoʻoulu limahana ʻōiwi na ka DOE me WINHEC.