Kula Kamaliʻi
Kula Kamaliʻi
ʻO ka manaʻo o ka Pūnana Leo, ʻo ia nō ka pūnana o nā leo, a pūʻā ʻia ka ʻōlelo Hawaiʻi mai ka waho o nā kānaka ʻōlelo Hawaiʻi o lākou e like me ka ka pū ʻia o ka meaʻai mai ka waha o ka manu makua i ka waha o ka manu huluʻae. Mai ka wā e komo ai ka ʻohana i ka Pūnana Leo, he honua ʻōnahanahiaua e mālama ʻia ai ke kapu,” E ʻōlelo Hawaiʻi wale nō.” He hoʻokikina kēia kapu i ka paʻa wikiwiki o ka ʻōlelo Hawaiʻi i nā ʻohana me nā keiki. Aʻo nā keiki hou i nā ʻōlelo pōkole, nā māmalaʻōlelo, a me nā mele me ke kōkua ʻana o nā kumu me nā mua. Hiki i ka hapanui o nā keiki ke ʻōlelo Hawaiʻi ma loko o ka ʻekolu a i ka ʻehā mahina.
ʻO ka lumipapa Pūnana Leo, he lumi ia e hoʻolale a mālama ai i nā keiki ma ka hoʻokahua mākua ʻana o lākou no ke aʻo a mau loa ʻana. Hiʻohia ke ao i nā keiki ma ka papa haʻawina maoli ola Hawaiʻi i kūpono no ka pae makahiki ma ka honua palekana. He papahanaa kēia no ka ʻohana holoʻokoʻa. Komo pū mai nā ʻohana i nā papa Hui Kīpaepae kēlā me kēia pule ʻelua ma ka honua kula; ka lā ʻohana, me ka hoʻihoʻi honua no ka mālama ʻana i ke kahua kula me ka lumi papa.
Ua hana nui nā kumu Pūnana Leo e hahai i nā kulekele a e hoʻomākaukau pono i nā honua kula i palekana no kāu keiki. Nānā nui ʻia nā kulekele hou e laʻa me ka noho kaʻawale, ka māpoho mau ʻana i ka māpoho no nā kumu, ka hoʻopūʻulu ʻia o nā keiki ma nā pūʻulu liʻiʻilʻi, ka loaʻa o kekahi mau wahi e holoi lima ai a me ke ana wela ʻana i nā kumu a me nā keiki e komo ana i ka honua kula i kēlā me kēia lā.
Nā Pae Makahiki Kula Kamaliʻi:
ʻĪnana 3 - 4 makahiki
Pūnua 4 - 5 makahiki
Hiʻipēpē
Ma ka makahiki 2006, ua hoʻonui hoʻi ka ʻAha Pūnana Leo i ka papahana kaiaʻōlelo Hawaiʻi no nā kamaliʻi me ka Hiʻipēpē. He papahana kēia no nā pēpē 9 mahina a i nā kamaliʻi 3 makahiki, he papahana kēia no nā ʻohana e kūpaʻa nei i ka mālama ʻia ʻana o ka ʻōlelo Hawaiʻi ʻo ia ka ʻōlelo kumu ma ko lākou hale. He papahana kēia i piha i nā hana i kūkulu ʻia ma ke Kumu Honua Mauli Ola me nā kiʻina aʻo kūpono o kēia ao e hoʻoulu ana i ka mākaukau launa, ka hoʻopaʻa ʻana i ke kino, a me ka ʻike kālaiʻike Mauli Ola Hawaiʻi.
E lohe i ka manaʻo o kekahi ʻohana Pūnana Leo no kā lāua i ʻike ai ma ko lāua huakaʻi hoʻōla ʻōlelo Hawaiʻi.
Ke Kāki Kula
2023-2024
Kula Kamaliʻi
He $10,450 ke kāki makahiki | hiki ke uku ʻia he $950 o ka mahina
Hiʻipēpē
He $18,700 ke kāki makahiki | hiki ke uku ʻia he $1,700 o ka mahina (Hilo | Waiʻanae)
2024-2025
Kula Kamaliʻi
He $11,550 ke kāki makahiki | hiki ke uku ʻia he $1,050 o ka mahina
Hiʻipēpē
He $18,700 ke kāki makahiki | hiki ke uku ʻia he $1,700 o ka mahina (Hilo | Waiʻanae)
*E nānā ma lalo iho i nā hui kākoʻo kāki kula
Hāmama nā Pūnana Leo a pau mai ka 7:30 - 3:30
He 13 kula Pūnana Leo ma 5 mokupuni. E kipa i ka papa kuhikuhi Pūnana Leo ma ʻaneʻi.
**Pani kū manawa ʻia ka Pūnana Leo o Lahaina.
Ua hoʻokumu ʻia he papahana meaʻai ma kēlā me kēia honua Pūnana Leo e kū ana i nā koina o ka Child and Adult Care Food Program (CACFP) no nā keiki o ka 9 mahina i ka 6 makahiki. Hānai ʻia nā keiki i ka ʻaina kakahiaka, ʻaina awakea, a me ka meaʻai māmā i kēlā lā kēia lā me ke kāki ʻole ʻia o nā ʻohana.
E hoʻopihapiha nā ʻohana a pau i ka palapala CACFP Meal Benefit a me ka CACFP Palapala Kāinoa no ke ʻāpono ʻia ʻana.
Ua laikini ʻia nā Pūnana Leo a pau. Ma ke kānāwai, Title 17, DHS subtitle 6, Mahele ʻoihana Kanaka Chapter 892.1, no ka Licensing of Group Care Center. ʻAʻole helu ʻia, Subchapter 4 nā koina limahana, no ke kānāwai mokuʻāina 346-152 (b) ʻo nā limahana e aʻo ʻia nei ma nā kula e hāpai ana i ke ola o ka ʻōlelo, e kapae ʻia ke koina hoʻomākaukau kumu a laikini paha.
ʻAʻohe hoʻokae o ka ʻAha Pūnana Leo ma ka ʻōnaehana ʻae komo ma muli o ka lāhui, ka ʻili, ka hoʻomana, ke keka, kahi hānau, ka makahiki, ke kīnānā, ka moʻokūʻauhau, ke kuana kanaka, ka moʻolelo hopu a hoʻokolokolo, ka pilina kanaka, a me nā ʻano palekana ʻē aʻe a pau i ʻae ʻia ma ke kānāwai.
Ka ʻIkepili Kākoʻo Kāki Kula
ʻAe ʻia nā kākoʻo kāki kula no kekahi mau ʻoihana aupuni a kūʻokoʻa like ʻole.
No ka ʻikepili hou aku no ke kōkua kāki kula, e kelepona i ke keʻena Kula Kamaliʻi ma ka helu 1-800-498-4979.
Inā he mau nīnau e kelepona i ko ka ʻAha Pūnana Leo ʻoihana kākoʻo ma 1-800-498-4979
Arbor Child Care Connections
Hilo 1-808-961-6807
Kona 1-808-334-6101
Maui/Molokaʻi 1-808-249-2461
Kauaʻi 1-808-245-2193
Oʻahu – Honolulu 1-808-566-2600
Oʻahu – Waipahu 1-808-356-5577
First-to-Work
Hilo 1-808-961-3918
Kona 1-808-443-5854
Maui/Molokaʻi 1-808-873-3972
Oʻahu 1-808-521-9675
Kauaʻi 1-808-482-3200
HELP Keiki o ka ʻĀina
808-843-2502
help@koka.org
https://www.koka.org/help-for-childcare/
Maui Family Support Services, Inc.
1-808-793-2816
www.mfss.org
Servicing Pūnana Leo sites:
Maui, Molokaʻi, Hāna and Lahaina.
Military Programs
Military members only. Eligibility may vary by branch. (Childcare Aware - #9097101 Provider ID Number).
1-800-424-2246 (NACCRRA)
Pauahi Keiki Scholarship
PKS Spring Open Enrollment - to be announced via the online parent portal
Deadline - to be announced via the online parent portal.
https://apps.ksbe.edu/financialaid/preschool/pks/
Pre-Kindergarten Program (Pre-K)
For children attending Pūnana Leo o Hilo, Pūnana Leo o Waimea and Pūnana Leo o Waiʻanae
808-935-4304 or 1-800-498-4979
Applications are accepted year round
Preschool Open Doors
Statewide 1-800-746-5620, Honolulu 1-808-791-2130
Enrollment Period January 2 – March 29