Lā Palena Pau: 10 Malaki 2008
E ho‘oholomua koke ana i nā noi komo e loa‘a ma ka lā 10 o Malaki 2008. E hō‘ahu ‘ia nā noi komo e loa‘a ma hope o kēia lā palena pau ma kekahi papa inoa kūkali.
No ke noi komo 2008–2009
No ka palapala noi komo ma ka pūnaewele nei
‘Ānō, ua wehe ‘ia kēia wā e ho‘ouna ‘ia mai ai nā palapala e noi ana e komo ke keiki i ka Pūnana Leo o kēia makahiki kula 2008-2009. E ‘ae ‘ia nā palapala noi komo a piha pono nā hakahaka haumāna o ke kula. Ke kū maila he 11 Pūnana Leo ma ka ‘elima mokupuni ‘oko‘a. E hiki nō ho‘i i ka ‘ohana hoihoi ke noi e komo ke keiki o ka pae makahiki 3-4 ma ka ho‘opihapiha ‘ana i ka palapala noi komo ma ka pūnaewele nei.
E kāomi iā ‘ane‘i e ho‘opihapiha ‘ia ai ka palapala noi komo Pūnana Leo.
No ka hālāwai ho‘okama‘āina me ka nīnauele: ‘Oko‘a ka wā noi komo o kēlā me kēia honua Pūnana Leo, a pēia ho‘i ka ‘oko‘a o ka wā e mālama ‘ia ai ka hālāwai ho‘okama‘āina ma kēlā me kēia kaiāulu nona kekahi honua Pūnana Leo. E like nō ho‘i me ke kipa kula, paipai ikaika ‘ia nā ‘ohana hoihoi a pau e komo ma kekahi hālāwai ho‘okama‘āina i mea ho‘i e ‘oi aku ai ka na‘auao no ka honua Pūnana Leo e nānā ‘ia ana. A pau ka wā ho‘ouna palapala noi komo, mālama ‘ia he wā nīnauele e like me ka mea e kū ana i ka papamanawa o kēlā me kēia honua Pūnana Leo.
I ‘ike hou aku e pili ana i nā kula kamali‘i Pūnana Leo, e ho‘oka‘a‘ike pololei mai me ke ke‘ena ho‘okele kula kamali‘i:
Ke‘ena Kula Kamali‘i
‘Aha Pūnana Leo
96 Pu‘uhonu Place
Hilo, HI 96720
(808) 935-4304 Kelepona
1-800-498-4979 Kelepona kāki ‘ole
Ua hiki pū nō ho‘i ke ho‘oka‘a‘ike pololei aku me ka Pūnana Leo o ka mokupuni e noho nei. E kāomi iā ‘ane‘i e ‘ike ‘ia ai he papainoa Pūnana Leo.
He mea wae ‘ohana ka ‘Aha Pūnana Leo ma ka papaha kaulike. He kūpa‘a ho‘i ma hope o ke kulekele ho‘okae ‘ole ma muli o ka pae makahiki, ka lāhui, ke keka, ka ho‘omana, ka ‘ili, ka ‘āina hānau, ka mo‘okū‘auhau, ke kīnana, ka hiō keka, ka mo‘omō‘ali hopu a ‘aha ho‘okolokolo a me nā māhele ‘ē a‘e e helu ‘ia ma lalo o nā kānāwai Pekelala a Moku‘āina.
E Ola ka ‘Ōlelo Hawai‘i.