No ke Ku‘ikahi
E ho‘oikaika ku‘upau aku ana ua ‘Aha Pūnana Leo nei me ke Koloke ‘Ōlelo Hawai‘i o ke Kulanui o Hawai‘i ma Hilo, ‘o Ka Haka ‘Ula O Ke‘elikōkalni, he Ku‘ikahi ma luna o ka ho‘omohala ‘ana me ka ho‘opa‘a pono ‘ana he papahana ho‘ona‘auao ‘ōlelo Hawai‘i piha ma ka Moku‘āina nei ‘o Hawai‘i. He mea ia Ku‘ikahi ‘ana i hikiwawe ai ka lako o ka lehulehu i kēlā ‘ano kumu waiwai, kēia ‘ano kumu waiwai e pono ai ka laua ‘ana a‘e o ia papahana ho‘ona‘auao ‘ōlelo Hawai‘i piha o ka Moku‘āina. ‘O kekahi o nā ho‘oikaika ‘ana o ua Ku‘ikahi nei ka ho‘omohala me ka ho‘omalele ‘ana i nā papaha‘awina a puni ka Moku‘āina me ke kāki ‘ole; ka ‘imi ‘ana e kūkulu ‘ia a pa‘a ke kūlana kula ho‘okolohua ‘ōlelo Hawai‘i piha a kū; ka ho‘omohala ‘ana he papahana ho‘omākaukau kumu; a pēia nō ho‘i ka ho‘omohala ‘ana he papahana kēkelē laeo‘o e pili ana i ka ho‘ona‘auao kaiapuni ‘ōlelo Hawai‘i piha ‘ana. E like me ka lanakila ‘ana i ‘ike ‘ia ma ia mau ho‘oikaika ‘ana i helu ‘ia a‘ela ma luna pono nei, pēia ho‘i i ‘āpono ‘ia ai ke kēkelē lae‘ula o ua Ka Haka ‘Ula O Ke‘elikōlani nei.
E kāomi iā ‘ane‘i e ‘oi aku ai ka ‘ike no ia Ku‘ikahi ‘ana: http://www.olelo.hawaii.edu.