Penei e ho‘olako ‘ia ai he ha‘awina kālā Lamakū:

1. he moho Kahuawaiola e e kū nei / he muapuka e lilo ana he moho Kahuawaiola.

2. he moho mulipuka e noi‘i ana pehea e ho‘oikaika ai i ka papahana ho‘ona‘auao ‘ōlelo Hawai‘i;

3. he haumāna puka mai loko mai o kekahi Kula Kaiā‘ōlelo Hawai‘i;

4. he makua mea keiki komo i kekahi Kula Kaiā‘ōlelo Hawai‘i;

5. he limahana e hana nei ma kekahi honua kula kaiā‘ōlelo Hawai‘i.

 

 

 

 

 

 

 

 


>> Ke kū ‘ana i nā koina   |   >> Ka palapala noi  |  >> Nā loulou kōkua   |  >> Ho‘olauna

Lamakū: Ke kū ‘ana i nā koina

E pono nō ho‘i e kō i kēlā me kēia e noi mai ana nā koina o lalo pono nei:
•e hō‘oia pono ‘ia mai ka welo koko Hawai‘i e like nō ho‘i me ka mea i ‘ōlelo ‘ia he kupuna ko kēia pae moku nei ma mua o ka 1778 e like me ka mea e hiki ke ‘ike ‘ia ma ka palapala hānau;

•e hō‘oia pono ‘ia ke kūlana maka‘āinana ‘Amelika Hui Pū ‘Ia e noho ana ma Hawai‘i Moku‘āina;

•e hō‘oia pono ‘ia ke kūlana maka‘āinana noho ma Hawai‘i Moku‘āina nei ma ka hō‘ike ‘ana mai i ka laikini kalaiwa Hawai‘i Moku‘āina a kāleka maka‘āinana Hawai‘i Moku‘āina paha;

•e hō‘oia pono ‘ia ka puka kula ki‘eki‘e a mea like paha ma ka hō‘ike ‘ana mai i ka palapala kaha kula ki‘eki‘e, ka palapala puka GED a pēia nō ho‘i ka hopena hō‘ike Ability to Benefit;

•e hō‘oia pono ‘ia ka ‘ae ‘ia ma kekahi papahana kēkelē muapuka kūhelu, ka papahana ho‘omākaukau kumu ‘ōlelo Hawai‘i ‘o Kahuawaiola (http://www.olelo.hawaii.edu/dual/orgs/kahuawaiola/index/html) a papahana kēkelē mulipuka e kālele ana i kekahi noi‘i koina ma luna o ka ho‘oikaika ‘ia o ua ‘ōnaehana ho‘ona‘auao kaiapuni ‘ōlelo Hawai‘i nei;

•e ho‘okō pono ‘ia he ‘ehā makahiki o ke a‘o ‘ōlelo Hawai‘i ma ke kulanui na ka haumāna papahana kēkelē muapuka e like nō ho‘i me ka mea e kō ai ke koina komo i ka papahana Kahuawaiola;

•e ho‘okō pono ‘ia he ‘awelike kaha hui pū ‘ia he 2.75 na ka haumāna kēkelē muapuka, a haumāna Kahuawaiola nō paha; a e ho‘okō ‘ia he ‘awelike kaha hui pū ‘ia he 3.0 na ka haumāna kēkelē mulipuka;

•e hō‘oia pono ‘ia ke kūlana pae nohona e kāko‘o ‘ia ai ma kēia ‘ano kālā ma ka ho‘opihapiha ana i ka palapala FAFSA (www.fafsa.ed.gov);

•e ho‘okō pono ‘ia ka hana kaiāulu ma kekahi kula kaiā‘olelo Hawai‘i.