>> Ke kū ‘ana i nā koina   |   >> Ka palapala noi  |  >> Nā loulou kōkua  |  >> Ho‘olauna

Lamakū: ka palapala noi

E hiki nō ho‘i ke komo ka palapala noi ma ka pūnaewele nei, a i ‘ole paha, e ho‘oili ‘ia ia palapala noi ma ke ‘ano PDF, ho‘opihapiha a e ho‘ouna leka aku. E hiki pū ke ho‘oili ‘ia nā ‘ōlelo a‘oa‘o e ho‘opihapiha pono ‘ia ai ka palapala noi ma ke ‘ano PDF i mea kōkua. E komo pono ka palapala noi ma mua o ka lā 1 Malaki e nānā ‘ia ai.

E hemo nā palapala a pau i ka polokalamu Adobe Acrobat Reader.

No nā palapala koina me nā lā palena pau
E komo nā palapala a pau i helu ‘ia ma lalo nei ma mua o ka lā palena pau, 1 Malaki. Palapala noi kālā ‘Aha Pūnana Leo. E hiki ke ho‘oili ‘ia ka palapala noi kālā ‘Aha Pūnana Leo mai ka lā 1 Ianuali a i ka lā 1 Malaki. E hiki nō ho‘i ke ho‘opihapiha ‘ia ia palapala noi ma ka pūnaewele nei, a i ‘ole paha, e ho‘oili ‘ia a e ho‘ouna leka ‘ia.

E kākau ka mea noi he pepa pōkole pili i nā pahuhopu a me nā ala e hiki ai i ka mea noi ke ho‘oholomua aku i ka papahana ho‘ona‘auao ‘ōlelo Hawai‘i. (E kākau ‘ia ia leka kāko‘o ma ka ‘ōlelo Hawai‘i ma ka nui i hiki.)

E kākau ‘ia he leka kāko‘o i ka mea noi na kekahi ‘ōhua ‘ohana, a na kekahi hoa aloha paha, e hō‘ike ana e pili ana i nā pahuhopu a ka mea noi no ka ho‘ona‘auao ‘ōlelo Hawai‘i. (E kākau ‘ia ia leka kāko‘o ma ka ‘ōlelo Hawai‘i ma ka nui i hiki.)

A hō‘oia ‘ia ke kō o nā koina hiki mua, e leka ho‘omaopopo ‘ia ka moho pēlā. A puka ma ia pae, e ho‘ouna aku ka mea noi he mau palapala kāko‘o hou aku ma mua o ka lā palena pau 1 Mei:

1. Nā palapala hānau kūhelu (‘ekolu hanauna ka nui)
– ka mea noi;
– lūau‘i makua o ka mea noi nona ke koko Hawai‘i (inā he Hawai‘i nā lūau‘i ‘elua, e koho ka mea noi i kekahi);
– ke kupuna pono‘ī o ka mea noi nona ke koko Hawai‘i (‘o ka lūau‘i makua o ka mea i helu ‘ia ma luna nei);

2. Ka palapala kaha kula ki‘eki‘e kūhelu a me ka palapala kaha kulanui kūhelu e helu ana i nā hana kulanui a pau mai ka ho‘omaka ‘ana ma ke kulanui a hiki i ke kau hā‘ulelau hope aku nei (e like me ka mea e pili ana i ka mea noi);

3. He leka ‘āpono komo na ke ke‘ena ‘aekomo o ke kulanui e noi ‘ia ana ke komo i kekahi papahana kēkelē, a i ‘ole ia, he leka e ‘āpono ana i ke komo i ka papahana ho‘omākaukau kumu ‘o Kahuawaiola;

4. He kope SAR no ka makahiki kula e noi ‘ia ana ke kōkua; e pono nō ho‘i ka mea noi e ho‘opihapiha i ka palapala FAFSA i mea e loa‘a ai ka SAR;

5. He kope o ka palapala puka Kula Kaiā‘ōlelo Hawai‘i inā ua puka kula ki‘eki‘e ka mea noi pēlā;

6. He palapala hō‘oia i ke kūlana haumāna kūhelu o ke keiki Kula Kaiā‘ōlelo Hawai‘i e noi ana kona makua i ke kōkua Lamakū;

7. He palapala hō‘oia kūlana limahana ma loko o ke Kaiā‘ōlelo Hawai‘i (a likiki uku nō paha) inā penei ke kūlana o ka mea noi.

 

 

Nā Polokalamu | Nā Kula & Kāinoa | No Ka ‘Ohana | Nūhou & Nā Hanana | Nā Loulou & Nā Kumu Waiwai
No Mākou | Nā Kāko‘o | Ka ‘Alemanaka | E Ho‘oka‘a‘ike Mai | Ki‘i Kahua Pa‘a | English

Kuleana Kope © 2006 na ka ‘Aha Pūnana Leo nona nā kuleana a pau.