Pūnana Leo Hi‘i Pēpē
‘O ka papahana Hi‘i Pēpē kekahi e ho‘omohala ‘ia nei no nā pēpē hi‘i me nā kama iki e pa‘a ana ka ‘ohana ma ka ho‘olilo ‘ana i ka ‘ōlelo Hawai‘i, ‘o ia ka ‘ōlelo mua o ka home. He papahana kēia no nā ‘ohana e hānai ana i nā keiki ma ke ‘ano he mānaleo ‘ōlelo Hawai‘i e like nō ho‘i me ka mea e kū ana i ka nu‘ukia ‘Aha Pūnana Leo: E Ola Ka ‘Ōlelo Hawai‘i. E wae ‘ia nā noi komo ma nā ‘ohana nāna ka ‘ōlelo Hawai‘i, ‘o ia ka ‘ōlelo kūka‘i o ka home.
Ho‘omaka ‘ia akula ua papahana ho‘okolohua Hi‘i Pēpē nei o Nāwahīokalani‘ōpu‘u Honua ma Kea‘au, Puna, Hawai‘i Mokupuni i ‘Aukake.2006. ‘O ke Kumu Honua Mauli Ola, ka ‘ōlelo Hawai‘i piha a me nā ka‘akālai ho‘omohala ke kahua ‘ana o ka papa ha‘awina lā piha o ua papahana Hi‘i Pēpē nei.