No ka lako lumipapa
He honua palekana ka lumi papa Pūnana Leo e pumehana ai ka laua ‘ana o ke keiki ma ka ‘ōlelo Hawai‘i i loko ho‘i o ka papaha‘awina e kū pono ana i ka pae makahiki kula kamali‘i i mōkū pono i loko o ke kālaimana‘o Kumu Honua Mauli Ola. E like me ka nui i hiki, hai ka ‘Aha Pūnana Leo i nā mānaleo hulu kupuna e launa nui ai me nā keiki ma ke ‘ano kūmau. E like nō ho‘i me ka pū‘ā ‘ia o ka mea‘ai i loko o ka waha o ka pūnua, pēia ho‘i e “pū‘ā” ‘ia ai ka ‘ike mauli Hawai‘i mai loko mai o ka waha o nā hulu kūpuna. Ho‘oka‘aka‘awale ‘ia ke kula Pūnana Leo ma nā honuanua e mālama ‘ia ai nā ha‘awina o kēlā lā, kēia lā.
No ka honuanua
He kīpuka ho‘oka‘awale ‘ia ka honuanua kahi e kālele ai ka haumāna ma kekahi ‘ano ha‘awina a mākau kiko‘ī. Ho‘oulu ‘ia kēlā ‘ano mākau, kēia ‘ano mākau ma o ka hana lima ‘ana ma ia mau honuanua. Ma ka honuanua makemakika, ho‘oma‘ama‘a nui ke keiki i ka mākau ho‘oka‘ina a ho‘opū‘ulu ma ka wae ‘ana i nā pūpū. Ma ka honuanua hakalama, ho‘oma‘ama‘a nui ke keiki i ka mākau ‘ōlelo Hawai‘i ma ka ho‘ohana ‘ana i nā kāleka, nā ki‘i a me ka nānā ‘ana i ka DVD. Ho‘olilo ‘ia kekahi hapa o ka lā ma luna o ka hikaho‘ona‘auao ma ia mau honuanua.
No ka waiwai o ka honuanua
E pili pū ana i nā mākau e ho‘oulu ‘ia ma nā honuanua, ho‘oili pū ‘ia nā loina ‘ike ku‘una penei:
| hawaiian | english |
|---|---|
He wahi ko kēlā me kēia mea. |
Everything has a proper place. |
Hana maiau. ‘A‘ohe mālama, pau i ka ‘iole. |
Work with care and neatness. When we neglect our things, they disappear. |
I ka nānā nō a ‘ike. |
Watch and learn. |
Nānā ka maka; ho‘olohe ka pepeiao; hana ka lima. |
The eyes watch; the ears listen; the hands work. |
Ma ka hana ka ‘ike. |
Learning is the result of trying. |
He kuleana ko ke keiki. |
Even children can shoulder responsibility. |
A‘o ke keiki hānau mua i kona muli. |
Older children should teach younger children. |
He a‘o ka honua a me nā mea külohelohe. |
The natural environment is our classroom. |
Hana a no‘ono‘o ‘ae‘oia. |
Work and think independently. |
Hakuhia. |
Invent. |
Hana hou a pa‘a. Ho’oma’ama’a. |
Repeat until mastered. Practice. |
Maika‘i ka hana, maika‘i ka hua. |
Work well, we get a good product. |
Lōkahi. |
Harmony. |